خۆپیشاندەرانی لایەنگری سەدر، لە چەند دەروازەیەكەوە بەربەستەكانی ناوچەی سەوز دەبڕن و دەچنە ناوەوە، ئەوەش وێڕای بەكارهێنانی گازی فرمێسكڕێژ و بۆمبی دەنگی لەلایەن هێزە ئەمنیەكانەوە بۆ دورخستنەوەیان كە بەو هۆیەوە چەند خۆپیشاندەرێك برینداربون.
ئاوێنە: بەپێی میدیا عێراقییەكان كەمێك لەمەوبەر خۆپیشاندەرانی لایەنگری سەدر توانیویانەوە لەلای وەزارەتی پلاندانان و هەروەها لەلای پردی "زەیتون"ەوە بەربەستە كۆنكرێتییەكانی ناوچەی سەوز ببڕن و بچنە ناوەوە.
ئەوەش لەكاتێكدایە كە هێزە ئەمنییەكان بە گازی فرمێسكڕێژو بۆمبی دەنگی روبەڕووی خۆپیشاندەران بونەتەوە بۆ رێگریكردن لە بڕینی ناوچەی سەوزو بەپێی میدیا عێراقییەكان سێ خۆپیشاندەر برینداربوون.