حه‌كیم بۆ چوارچێوه‌ی هه‌ماهه‌نگی‌و ره‌وتی سه‌در: دیالۆگی راسته‌وخۆو ئاشكرا ده‌ستپێبكه‌ن
  2022-07-30       294       
عه‌ممار حه‌كیم

عه‌ممار حه‌كیم له‌ڕاگه‌یه‌نراوێكدا داوا له‌چوارچێوه‌ی هه‌ماهه‌نگی‌و ره‌وتی سه‌در ده‌كات كه‌ "دیالۆگی راسته‌وخۆو ئاشكرا" ده‌ستپێبكه‌ن بۆئه‌وه‌ی دۆخه‌كه‌ ئارام ببێته‌وه‌و عێراق نه‌خێرێته‌ ناو ئه‌نجامی چاوه‌ڕوان نه‌كراوه‌وه‌.

ئاوێنه‌: عه‌ممار حه‌كیم، سه‌رۆكی بزوتنه‌وه‌ی حیكمه‌ له‌ڕاگه‌یه‌ندراوه‌كه‌یدا ده‌ڵێت، "ئه‌و دۆخه‌ی‌ ئه‌مڕۆ گۆڕه‌پانی ناوخۆی عێراق پێیدا تێده‌په‌ڕێت، پێویستی به‌وه‌یه‌ هه‌موان پێشینه‌ بده‌ن به‌زمانی عه‌قڵ و لۆژیك و دیالۆگ و ئیمتیاز به‌عێراق و گه‌له‌كه‌ی بده‌ن، به‌شێوه‌یه‌كی ئاشكرا دیالۆگی راسته‌وخۆ و بنیاتنه‌ر له‌ژێر چاودێری میلله‌ت ده‌ستپێبكه‌ن، به‌رژه‌وه‌ندی نه‌ته‌وه‌یی و پاراستنی خوێنی ناوخۆ له‌گه‌ڵ ره‌نج و نیگه‌رانی و به‌رژه‌وه‌ندییه‌كانی خه‌ڵك ره‌چاو بكه‌ن."

راشیگه‌یاندووه‌، "دیالۆگێك ده‌ستپێبكه‌ن كه‌ تیایدا هه‌ر لایه‌نێك دڵنیا بكرێته‌وه‌ هیچ نیازێك نییه‌ له‌سه‌ر حیسابی لایه‌نێكی دیكه‌و هه‌وڵدان بۆ هه‌ڵوه‌شاندنه‌وه‌ی به‌رامبه‌ر".
 

زۆرترین بینراو
© 2022 Awene Online, Inc. All Rights Reserved.
×