چوارچێوەی هەماهەنگی رایگەیاند، هەتا ئێستا نازانین رەوتی سەدر داواکاری چییە وا لایەنگرانی بۆ هێناوەتە سەر شەقام.
ئاوێنە: ساڵحی، ئەندامی ئەنجومەنی نوێنەرانی عیراق - چوارچێوەی هەماهەنگی رایگەیاند، "تا ئەم ساتەوەختە نازانین موقتەدا سەدر، رێبەری رەوتی سەدر، داواکاری چییە و بۆچی لایەنگرانی هێناوەتە سەر شەقام. دەشڵێت، دەبێت بە ئاشکرا داواکارییەکانیان رابگەیەنن."
ئاماژەی بەوەشکردووە، "ئەو داواکاریانەی کە سەدر دەیەوێت بەدەستی بهێنێت دەبێت لە میانی کۆبوونەوەی لەگەڵ هێز و لایەنە سیاسییەکان پێشنیاربکرێت و بوروژێنرێت، نەک بەکارهێنانی لایەنگران و شەقامی عیراقی.
ناکۆکییەکانی ئەم دواییەی چوارچێوەی هەماهەنگی و رەوتی سەدر گەیشتۆتە بنبەست و هەریەک لە دژی ئەوی دیکە شەقام دەجوڵێنێت و لایەنگرانییان خۆپیشاندان دەکەن. چاودێران و شیکەرەوانی سیاسیش پێیان وایە، "ئەگەر دۆخەکە بەم جۆرە بەردەوام بێت، عیراق بەرەو تونێلێکی تاریک هەنگاودەنێت."