وەزارهتی کشتوکاڵو سەرچاوەکانی ئاوی هەرێمی کوردستان یاداشتێكی لێکتێگەیشتنی لەگەڵ بانکی (قرتاس) واژۆکرد بهمهبهستی پێدانی قەرز بەجوتیارانو دەرچووانی کۆلێژی کشتوکاڵو ڤێتنەری.
ئاوێنه: بێگهرد تاڵهبانی، وەزیری کشتوکاڵو سەرچاوەکانی ئاوی هەرێمی کوردستان لەکۆنفرانسێکی رۆژنامەوانیدا رایگەیاند، لەگەڵ بانکی (قرتاس) یاداشتی لێکتێگەیشتنیان واژۆکردووە، بۆ پێدانی قەرز بەجوتیاران و دەرچووانی کۆلێژی کشتوکاڵ و ڤێتنەری، کە پڕۆژەی بچوک و مامناوەندیان ھەیە، بڕی قەرزەکەش لەنێوان 15 ملیۆن دینار بۆ 100 ملیۆن دینار دەبێت.
ئاماژەی بەوەشکرد، ماوەی دانەوەی قەرزەکە تاوەکو پێنج ساڵەو دوای شەش مانگ لەدەستبەکاربونی پڕۆژەکە دەست بەدانەوەی دەکرێت و هیچ سودێکی ناچێتەسەر.
بێگەرد تاڵەبانی وتیشی، "لەمڕۆوە بەڕێوەبەرایەتییە گشتییەکانی وەزارەتی کشتوکاڵ بیرۆکەکان وەردەرگرن، دوای ئەوەی هەڵسەنگاندنی تەواوەتی بۆ دەکرێت ئاراستەی بانکی قیرتاس دەکرێت، پاشان رێکارەکانی بۆ دەگیرێتەبەر تاوەکو خاوەنی بیرۆکەکە سودمەندبێت".