دوای ئەوەی لە گەڕی یەكەمی دەنگداندا بۆ هەڵبژاردنی سەرۆككۆمار هیچ یەك لە كاندیدەكان نەیانتوانی دو لەسەر سێی دەنگەكان بەدەستبهێنن، كەمێك لەمەوبەر گەڕی دوەمی دەنگدان بۆ هەڵبژاردنی سەرۆككۆمار دەستی پێكرد.
ئاوێنە: بەپێی فەرمانگەی راگەیاندنی پەرلەمانی عێراق، گەڕی دوەمی دەنگدانەكە بە ئامادەبونی 242 پەرلەمانتار دەستی پێكردوە.
لە لەگەڕی یەكەمدا د. لەتیف رەشید 156 دەنگ و بەرهەم ساڵح 99 دەنگی پەرلەمانتارانیان بەدەستهێنا، بەوەش لە گەڕی دوەمی دەنگداندا كێبڕكێكە لەنێوان ئەو دو كاندیدەدا دەبێت.
چاوەڕێ دەكرێت دوای دەنگدان و جیاكردنەوەی دەنگەكانی گەڕی دوەم، براوەی دەنگدانەكە رابگەیەنرێت كە زۆرترین دەنگ دەهێنێت و بەوەش دەبێتە سەرۆككۆماری نوێی عێراق.