سەرلەبەیانی ئەمڕۆ شەممە، نرخی نەوت بەراورد بە دوێنێ هەینی لە بازاڕەكانی جیهان، بەشێك لە نرخەكەی لە دەستدا.
ئاوێنە: بەپێی داتاكانی بازاڕی جیهانیی نەوت، لە ئێستادا یەك بەرمیل نەوتی خاوی برێنت بە 95 دۆلارو 77 سەنت مامەڵەی پێوەدەكرێت.
هەروەها یەک بەرمیل نەوتی تەكساس بە 87 دۆلار و 90 سەنت مامەڵەی پێوەدەکرێت.
زیادبونی توشبوانی كۆرۆنا لە چین بەهۆی ئەو شەپۆلە نوێیەی ڤایرۆسەكە كە ئەو وڵاتەی گرتۆتەوە، هۆكاری دابەزینی نرخی نەوتە.