وەزارەتی دارایی حكوومەتی هەرێمی كوردستان بەهۆی نزیكبوونەوەی كۆتایی ساڵ خەرجییەكان رادەگرێـت و ڕێنمایی بۆ ئەو بابەتە دەداتە وەزارەت و فەرمانگەكان.
ئاوێنە: بەپێی ڕێنماییەکە، سیستەمی ئۆنلاین لەئەمڕۆوە تاوەكوو كردنەوەی خەرجییەكانی ساڵی 2023 رادەگیرێت.
ئاماژە بەوەش كراوە، هەموو خەرجییەكان جگە لە مووچە و پێشینەی مانگانە و كرێی مانگانەكان و خاوێن كردنەوە و خواردن لە 16/12/2022 رادەگیرێت.
ئەوەش خراوەتە ڕوو، زیادكردنی پێشینەی مانگانە رادەگیرێت، بەڵام تەموویل كردنی پڕۆژەكانی وەبەرهێنان و پارێزگاكان راناگیرێت و بەردەوام دەبێت.
باش لەوەشکراوە، كە نابێت هیچ داواكاریەكی خەرجی بۆ وەزارەتی دارایی رەوانە بكرێت.
دووپات لەسەر ئەوە كراوەتەوە ئەو رەزامەندی خەرجیانەی پێش 16/12/2022 بێت، ئەوە خەرج دەكرێن، بەڵام ئەوانەی تر دەكەێتە ساڵی نوێی دارایی .