حاكم قادر حەمەجان جهخت لهوه دهكاتهوه كه ھێشتا كات ماوە كورد نێو ماڵی خۆی ڕێكبخاتەوەو سەرجەم لایەنەكان بەیەك پاكێج بڕۆنەوە بەغدا بۆ پارێزگاریكردن لەبەرژەوەندیەكانی گەلی كوردستان.
ئاوێنه: لهكۆبونهوهیدا لهگهڵ وهفدی حزبی شیوعی كوردستان، حاكم قادر حەمەجان ئەندامی ئەنجومەنی باڵای سیاسی و بەرژەوەندییەكانی یەكێتی ڕایگهیاند، "بەداخەوە لەئێستادا عێراق و هەرێم بە قۆناغێكی بێ متمانەی سیاسی و دابڕانی لایەنە سیاسیەكاندا تێدەپەڕێت و ھێشتا كات ماوە كورد نێو ماڵی خۆی ڕێكبخاتەوەو سەرجەم لایەنەكان بە یەك پاكێج بڕۆنەوە بەغدا بۆ پارێزگاریكردن لە بەرژەوەندیەكانی گەلی كوردستان."
ئاماژه بۆ ئهوهش كراوه كه "پێویستە خاڵی ھاوبەشی ھەموو لایەنە سیاسییەكان ئاسایی كردنەوەی بارەدۆخی ھەرێمی كورستان بێت و ئەم قۆناغە پێویستی بە یەکگرتوویی و یەکڕیزی هەیە و ئەگەر یەکگرتوو و یەکڕیز نەبێت، دەبێت چاوەرێی بڕیاری تریش بین لەدژی گەلی كوردستان، بۆیە کارو کاردانەوە و موزایەدە کردن لە دژی یەکتر بێ سودە و زیانی گەورە بە دۆزی گەلەکەمان دەگەیەنێت."
حاكم قادر ھێمای بۆ ئەوەشكردووه، "وەك یەكێتی نیشتیمانی ھەمیشە جەخت لە پەیوەندی دۆستانەی نێوان سەرجەم لایەنەكان دەكەینەوە لەسەر پرانسیپی ئاشتی و پێكەوە ژیان بە شێوەیەك پرسی نیشتمانی و نەتەوەیی و ژیان و گوزەرانی هاوڵاتیان هەوێنی بەهێزكردنی گوتار و پرۆسەی سیاسی هەرێمی كوردستان بێت لە پێناو باشتركردنی ژیانی هاوڵاتیان و دەستەبەركردنی ماف و ئازادییەكان و حوكمڕانیەكی باشتر."