"لەپێناو"ی شروینی حاجیپور "خەڵاتی گرامی" بەدەستهێنا
  2023-02-06       1147       

ئا: ئاوێنە

 

شروینی حاجیپور کە لەناڕەزاییەتەکانی ئەمدواییەی ئێراندا بەهۆی گیان لەدەستدانی ژینا ئەمینییەوە رویان دا، بەناوبانگترین گۆرانی ناڕەزایی بەرامبەر بەحکومەتی ئێران چڕی‌و دەنگدانەوەیەکی گەورەی لەتۆڕە کۆمەلەیەتییەکاندا هەبو، بوە براوەی باشترین گۆرانی لەشەست‌و پێنجەمین خولی خەڵاتی گرامی کە کاریگەریی لەگۆڕانکارییە کۆمەڵایەتییەکاندا هەبوە.

 

گۆرانی "برای - لەپێناو" لەدوای بڵاوبونەوەیە لەتۆڕی کۆمەڵایەتی ئینستاگرامی شێروین حاجیپور لەماوەی دو رۆژدا ٤٠ ملیۆن جار بینرا.

جیل بایدن، خانمی یەکەمی ئەمەریکا، لەڕێورەسمێکدا بەڕیزلینان لەم گۆرانییەو بەیادەوەری لەگیان لەدەستدانی ژینا ئەمینی‌و بەدروشمی "ژن ژیان، ئازادی"، برانەوەی شروینی حاجیپوری بۆ وەرگرتنی ئەم خەڵاتە راگەیاند.

جیل بایدن وتی "گۆرانییەک ئەتوانێت کۆکەرەوەو ئیلهامبەخش بێت‌و دنیا بگۆڕێت".

وتیشی " سەرەتای ئەمساڵ ئەکادیمیای گرامی خەڵاتێکی نوێی خستەڕوو کە ناساندنی گۆرانییەکە گوزارشت لەکێشە کۆمەڵاییەتیەکانی دنیای ئەمڕۆمان بکات‌و توانای ئەوەیان هەیە کاریگەری پۆزەتیڤ لەسەر جیهان دابنێن، زیاتر لە ١٣٠ هەزار کەس گۆرانییان هەبوە کە کاریان لەسەر بڵاوکردنەوەی هۆشیاریی و بەرەنگاربونەوەی ڕەگەزپەرستی و گۆڕینی دنیا کردوە، ئەمشەو شانازیی دەکەم کە من یەکەم براوەی ئەم خەڵاتە تایبەتە ڕادەگەیەنم کە باشترین گۆرانییە لەگۆڕینی کۆمەڵایەتیدا، (شروین حاجیپور) بۆ گۆرانییە ناوازەکەی (برای) کە بوو بەگۆرانی کۆکەرەوەی ئێرانیەکان لەخۆپیشاندانی مەهسا ئەمینیدا، کە بانگەوازێکی بەهێزو شاعیرانە بوو بۆ ئازادی‌و مافی ژن.  شروین گۆرانییەکەی لەئینستاگرامی خۆی بڵاوکردەوەو لە ماوەی کەمتر لەدوو ڕۆژدا زیاتر لە ٤٠ ملیۆن بینەری هەبوو. شروین دەستگیرکرا بەڵام گۆرانییەکەی بەردەوام بوو لەجیهاندا بە ناوەڕۆکە بەهێزەکەیەوە: ژن ژیان ئازادی".

خەڵاتی گرامی ساڵانە لەلایەن ئەکادیمیای تۆمارکردنەوە بە باشترین بەرهەمە میوزیکییەکانی ساڵ دەدرێت، یەکێکە لەخەڵاتە گرنگەکان‌ کە بەئۆسکاری موزیک دادەنرێت.

زۆرترین بینراو
© 2024 Awene Online, Inc. All Rights Reserved.
×