حكومەتی هەرێم سێ رۆژ پشوی رەسمی راگەیاند
  2023-02-06       776       

حكومەتی هەرێمی كوردستان سێ رۆژ پشوی رەسمی لە سەرجەم دامودەزگاكان راگەیاندو دەشڵێت، لە رۆژانی پشوەكەدا پڕۆسەی دابەشكردنی موچەی بەردەوام دەبێت.

ئاوێنە: جوتیار عادل، وتەبێژی حکومەتی هەرێمی کوردستان، ئەمشەو دوشەممە، لە راگەیەندراوێكدا وتی"بەمەبەستی پاراستنی گیانی هاوڵاتییان و پشتبەستن بە ڕاپۆرتی وەزارەتی گواستنەوەو گەیاندن، بۆ ماوەی سێ ڕۆژ (٧و ٨و ٩ی شوباتی ٢٠٢٣)، لە هەمو دامودەزگاکانی هەرێمی کوردستان بە ناوەندەکانی خوێندنی حکومی و ناحکومیی هەردو وەزارەتی پەروەردەو خوێندنی باڵا و توێژینەوەی زانستی، پشوی فەرمی دەبێت."

ئەوەشی خستۆتەڕو"لەگەڵ ئەوەشدا، جگە لە ئێشکگریی هەردو وەزارەتی ناوخۆو تەندروستی لە بەردەوامیدان بە پێشکەشکردنی خزمەتگوزارییەکان و حاڵەتی لەناکاو، پڕۆسەی دابەشکردنی موچەی فەرمانبەرانی هەرێمی کوردستان بەردەوام دەبێت."

دەقی راگەیەندراوەكە:

راگەیەندراوێک لە وتەبێژی حکومەتی هەرێمی کوردستانەوە

بە مەبەستی پاراستنی گیانی هاوڵاتییان و پشتبەستن بە ڕاپۆرتی وەزارەتی گواستنەوە و گەیاندن، بۆ ماوەی سێ ڕۆژ (٧ و ٨ و ٩ی شوباتی ٢٠٢٣)، لە هەمو دامودەزگاکانی هەرێمی کوردستان بە ناوەندەکانی خوێندنی حکومی و ناحکومیی هەردو وەزارەتی پەروەردە و خوێندنی باڵا و توێژینەوەی زانستی، پشوی فەرمی دەبێت.

لەگەڵ ئەوەشدا، جگە لە ئێشکگریی هەردو وەزارەتی ناوخۆ و تەندروستی لە بەردەوامیدان بە پێشکەشکردنی خزمەتگوزارییەکان و حاڵەتی لەناکاو، پڕۆسەی دابەشکردنی موچەی فەرمانبەرانی هەرێمی کوردستان بەردەوام دەبێت.

جوتیار عادل

وتەبێژی حکومەتی هەرێمی کوردستان

٦ی شوباتی ٢٠٢٣

زۆرترین بینراو
© 2025 Awene Online, Inc. All Rights Reserved.
×