رێكخراوی مافی مرۆڤی هەنگاو رایگەیاند، شەوی رابردو كۆڵبەرێك لە ناوچە سنورییەكانی شاری سەردەشتی رۆژهەڵاتی كوردستان، بەتەقەی راستەوخۆی هێزەكانی سوپای پاسدارانی ئێران كوژراوە.
ئاوێنە: رێكخراوەكە، ئەمڕۆ شەممە، لە راگەیەندراوێكدا ئاماژەی بەوەداوە، کاتژمێر 100ی شەوی رابردو هێزەكانی سوپای پاسداران لە سنوری سەردەشت تەقەیان لە کاروانێکی کۆڵبەران کردوەو بەهۆیەوە کۆڵبەرێک بە نای (حسێن محەممەدی) كوژراوە كە خێزاندار و باوکی دو منداڵە.
هێمای بۆ ئەوەش كردوە، بەوتەی سەرچاوەیەکی ئاگادار، ئەم کۆڵبەرە لە کاتی پەڕینەوە لە سنوری “نۆکان” کراوەتە ئامانج و تەقەی لێ کراوە.
رێكخراوی هەنگاو وتویەتی، تەرمی ئەم کۆڵبەرە شەوی ڕابردو گوازراوەتەوە بۆ نەخۆشخانەی سەردەشت.