شاندی هەرێمی كوردستان لەبەغدا لەگەڵ سەرۆكی شاندی حكومەتی عیراق بۆ دانوستان كۆبۆوەو گفتوگۆیان لەبارەی یاسای بودجەو داڕشتنیەوە كردوە.
ئاوێنه: ئومێد سەباح سەرۆكی دیوانی ئەنجومەنی وەزیرانی هەرێمی كوردستان بڵاویكردۆتەوە، لەچوارچێوەی سەردانی شاندی حكومەتی هەرێم بۆ بەغدا لەگەڵ محەمەد عەلی تەمیم وەزیری پلاندانان و جێگری سەرۆك وەزیرانی عیراق و هاوكات سەرۆكی شاندی حكومەتی عیراق بۆ دانوستان لەگەڵ هەرێم كۆبۆوە.
راشیگەیاندوە، تەوەری كۆبونەوە لەسەر یاسای بودجەو داڕشتنەوەی دەقەكانی بو بەپێی دەستور، هەروەها دوایین پێشهات و پەرەسەندنی گفتوگۆكان دەربارەی پرسی نەوت و غاز تەوەرێكی تری كۆبونەوەكە بوە.
ئومێد سەباح راشیگەیاندوە، بەمەبەستی گەیشتن بە رێككەوتن و لێتێگەیشتن دەربارەی پرسەكانی نێوان هەرێم و بەغدا گفتوگۆكان بەدەوام دەبن.