تمەنی ئێرانى دابەزینێکی مێژوویی تۆمار دەکات و 100 دۆلار 6 ملیۆن تمەنی تێپەڕاند.
ئاوێنە: تمەنی ئێرانی دابەزینێکی مێژوویی تۆمارکردووە و 100 دۆلار بەرامبەر 6 ملیۆن تمەنی ئێرانییە، کە ئەوەش بۆ یەکەم جارە لە مێژووی تمەندا ئەو بەهایەی لەدەستبدات.
جەبار گۆران وتەبێژی بازاڕی دۆلارەکەی سلێمانی رایگەیاند، جگە لە سزاکانی ئەمریکا و ئەوروپا بۆ سەر ئێران، هۆکارێکی دیکەی دابەزینی بەهای تمەن رێکارەکانی بانکی ناوەندیی عێراقە بۆ فرۆشتنی دۆلار.
وتیشی: "جاران ئێران بە ئاسانی دۆلاری لە عێراق دەکڕی و باڵانسی تمەنی پێ رادەگرت، ئێستا رێکارەکانی بانکی ناوەندی ئاستەنگیی بۆ ئەوە دروستکردووە".