وتەبێژی وەزارەتی دەرەوەی عێراق ئاشكرایكرد، ئەمڕۆ سێشەممە، ئەنتۆنیۆ گوتێرێس، سكرتێری گشتی رێكخراوی نەتەوە یەكگرتوەكان بەسەردانێكی رەسمی دەگاتە بەغدا.
ئاوێنە: ئەحمەد سەحاف، وتەبێژی وەزارەتی دەرەوەی عێراق، لە راگەیەندراوێكدا ئاشكرایكرد، ئەمڕۆ ئەنتۆنیۆ گوتێرێس، سكرتێری گشتی نەتەوە یەكگرتوەكان بەسەردانێكی رەسمی دەگاتە بەغداو لەگەڵ هەر سێ سەرۆكایەتییەكەی عێراق و هەروەها لەگەڵ فواد حسێن، وەزیری دەرەوە كۆدەبێتەوە.
بەگوێرەی زانیارییەكان، بڕیارە سکرتێری گشتیی نەتەوە یەکگرتوەکان سەردانی هەولێری پایتەختی هەرێمی کوردستان بكات و دواتریش کەمپی ئاوارەکانی جەدعە لە پارێزگای نەینەوا بەسەربكاتەوە.