سەربەست ئامێدی، سەرۆکی پێشوتری کۆمیسیۆنی باڵای سەربەخۆی هەڵبژاردنەکانی عێراق پێی وايه بڕیاری دادگای فیدراڵی عێراق لەبارەی نادەستووریبوونی درێژكردنەوەی تەمەنی پەرلەمانی كوردستان دهبێته هۆى دواكهوتنى ههڵبژاردنى ههرێم و ئهستهمه ئهمساڵ ههڵبژاردنى ههرێم بهڕێوهبچێت و پێشبینی ئەوەش دەکات کە بكهوێته مانگى حوزەیرانی 2024.
ئاوێنە: سەربەست ئامێدی، لەبارەی بڕیارەكەی دادگای فیدراڵی بۆ هەڵوەشاندنەوەی درێژكردنەوەی تەمەنی پەرلەمانی كوردستان و ئەنجامدانی هەڵبژاردنی پەرلەمانی كوردستان، بە ئاژانسی ئانادۆڵی راگەیاندوە، "باشتر وایە سەرۆکی ھەرێمی کوردستان ھەماھەنگی لەگەڵ کۆمیسیۆنی باڵای سەربەخۆی ھەڵبژاردنەکانی عێراق بکات و وادەیەکی دیکە دەستنیشان بکرێت بۆ ھەڵبژاردنەکانی ھەرێم."
ئەوەشی خستۆتەڕو"ئەگەر ھەرێم بەبێ بەغداو دوای بڕیارەکەی دادگای فیدراڵی عێراق هەڵبژاردن ئەنجام بدات، لەلایەن ناوخۆی عێراق و کۆمەڵگای نێودەوڵەتیشەوە قبوڵکراو نابێت."
جەختیشی كردۆتەوە كە "ئەستەمە ئەمساڵ ھەڵبژاردنی ھەرێم ئەنجام بدرێت، پێموایە دەکەوێتە مانگی حوزەیرانی ساڵی داھاتوە و رەنگە زیاتریش دوابکەوێت".