بەپێی میدیای پارتی بڕیارە ئەمڕۆ شەممە هاوپەیمانی ئیدارەی دەوڵەت لە بەغدا کۆببێتەوە و گفتوگۆ لەبارەی پشکی هەرێمی کوردستان لە بودجەی گشتی عێراق و دۆخی ئەمنی کەرکوک بکات.
ئاوێنە: ئاماژەی بەوەداوە كە فواد حسێن و شاخەوان عەبدوڵا وەک نوێنەری پارتی دیموکراتی کوردستان بەشداری لە کۆبونەوەکەی هاوپەیمانی ئیدارەی دەوڵەت دەکەن.
بەپێی میدیای پارتی نوێنەرەكانی حزبەكەیان "نیگەرانییەکانی پارتی لەسەر نەناردنی پشکی هەرێمی کوردستان و موچەی موچەخۆران دەگەیەنێتە لایەنەکانی هاوپەیمانییەكە، چونکە رێککەوتنی پارتی بۆ بەشداریکردن لە کابینەی نوێی حکومەتی عێراق لەگەڵ ئەوان بوە نەک محەمەد شیاع سودانی."
دۆخی ئەمنی کەرکوک تەوەرێكی دیكەی گفتوگۆكانی كۆبونەوەكە دەبێت.