دوو گه‌ره‌كی شاری هه‌ولێر كه‌ره‌نتینكران
  2020-04-09       1304       

بەهۆی تۆماركردنی زیاتر له‌ 70 حاڵەتی بەركەوتن و تووشبوون به‌ ڤایرۆسی كۆرۆنا، لە پرسەكانی گەرەكی كارێزانی شاری هه‌ولێر، دوو گەرەكی شاره‌كه‌ كەرەنتینكران.

ئاوێنه‌: دوای ئه‌وه‌ی سه‌ره‌تای ئه‌م هه‌فته‌یه‌ و له‌ ماوه‌ی ته‌نیا 72 كاتژمێردا، زیاتر له‌ 70 تووشبووی ڤایرۆسی كۆرۆنا له‌ شاری هه‌ولێر تۆماركران و هۆكاری تووشبوونه‌كه‌شیان، به‌شداری كردن بووه‌ له‌ دوو پرسه‌ی ماته‌مینی گه‌ره‌كی كارێزانی ئه‌و شاره‌، و بەهۆی دۆزینەوەی حاڵەتی بەركەوتن لە 10 گەرەكی تری شاری هه‌ولێر، بریاردرا به‌ كه‌ره‌نتین كردنی هه‌ردوو گه‌ره‌كی ئاڵتوون ستی و زانكۆ.

بریاری كه‌ره‌نتینكردنی دوو گه‌ره‌كه‌كه‌، له‌ 7ی نیسان و 8ی نیسان دراوه‌ و له‌ رۆژی چوارشه‌ممه‌وه‌ 8-4-2020ه‌وه‌ چووه‌ته‌ بواری جێبه‌جێكردن و هاووڵاتیانی هه‌ردوو گه‌ره‌كه‌كه‌ ناچاركراون له‌ ماڵه‌كانی خۆیاندا بمێننه‌وه‌.

گەرەكی ئاڵتوون ستی

گەرەكی 99ی زانكۆ

زۆرترین بینراو
© 2024 Awene Online, Inc. All Rights Reserved.
×