ئا: وارهێل نێروەی، دهوك
ل گورەی راپورتەكا ناسا هاتە شرۆڤەكرن كو هەبوونا كومپانیا و كارگەه و پارزینگەهێن ل دەڤەرا كواشێ كارتێكرنەكا نەرێنی و خراپ لسەر ژینگەه و تەندروستی دهوكێ و دەوروبەرێن وێ كریە دەڤەرێ كریە، ژبەكو ژ سەرجەمێ 187 كارگەهـ و كومپانی و پارزینگەهان ، بتنێ 60 ژوانا كار دكەن.
سەهیم بامەرنی، رێڤەبەرێ گرێبەستان ل رێڤەبەریا گشتی یا باژێرڤانیا ل دهوكێ بۆ ئاوێنە راگەهاند: نها ل دەڤەرا كواشێ 178 كارگەهـ و كومپانیێن جودا هەنە، ژوانا 52 مولەت ژلایێ رێڤەبەریا گشتی وەبەرهێنانێ ل پارێزگەها دهوكێ بۆ هاتیە دان و 135 مولەتێن دی ژلایێ پیشەسازیا دهوكێ هاتیەدان، گوت ژی: هەموو كار و چالاكیێن وان ژلایێ سەرۆكاتیا باژێرڤانیا سێمێلێ یا سەرب رێڤەبەریا گشتی باژێرڤانیان دهێتە سەرپەرشتی كرن، ژبەكو لسەر مولكێن باژێرڤانیا ناڤبری هاتینە دروست كرن و ل گورەیی یاسا و رێنمایێن تایبەت كارێ خوە دكەن.
دیار كر: لیژنەك هەڤپشك ب مەرەما دیفچوون لسەر كارێن وان هاتیە پێك ئینان، دا شێواز و كارێن كومپانیا و كارگەها كارتێكرنێ ل ژینگەه و تەندروستا هاولاتیان نەكەت، برێیا باژێرڤانیا سێمێلێ گرێبەستێن نوو بۆ هێنە دروست كرن، ژبەركو ژ سەرجەمێ 178 كومپانیا و كارگەهان تنێ 60 ژوانا لسەر كاری بەردەوامن و ئەوێن دی هەمی كارێن وان هاتینە راگرتن و هندەكا ژبەر كاودانێن دارایی و ئابوری نەشێن بەردەوامیێ بكارێ خوە بدەن، لەورا د ئەڤ سالە دا پێرابوون و كارێن پێدڤی بەرامبەری سەدەمێن راگرتنا كارێن وان دهێنە وەرگرتن.
ئاشكرا ژی كر: هەڤدەم نێزیكی 50 كارگەهـ و پاریزنگەهێن نە یاسایی و زێدەگاڤی ل دەڤەرا كواشێ هەنە و دماوێ چەند رۆژێن دەرباز بووی هندەك ژوانا ب بریارا سەرۆكێ حكومەتا هەرێمێ هاتنەگرتن.
سەبارەت زیانێن ڤان كارگەه و كومپانیان لسەر ژینگەه و تەندروستیا دەڤەرێ و هاولاتیان گوت: د هەیا بوری دا ل گورەی راپورتەكا ناسا هاتە شرۆڤەكرن كو هەبوونا وان كومپانیا و كارگەه و پارزینگەهێن ل دەڤەرا كواشێ كارتێكرنەكا نەرێنی و خراپ لسەر ژینگەه و تەندروستی دەڤەرێ كریە، لەورا هەول دهێنە دان برێیا لیژنەكا تایبەت بهێتە پێكئینان پاشان سەرەدانا وان بكەن و هەر چارەسەری و رێیەكا باش هەبیت بگرنەبەر بۆ نەهێلانا مەترسیێ لسەر ژیانا هاولاتێن پارێزگەها دهوكێ بگشتی و ئەوێن دەوروبەرێن دەڤەرا كواشێ بتایبەتی ژبەركو مەترسی لسەر وان گەلەك زێدەترە.
ل دوماهیێ ژی گوت: نێزیكی دوو هزار ئەندازیار و تەكنیكار و كرێكار دناڤا ڤێ دەڤەرا كواشێ كارگەه و كومپانیا و پارزینگەهان كار دكەن.