لە جیهاندا تەنیا یەک خەسڵەت و پایەی باڵاتر هەیە ، ئەویش زانیاریە. و تەنیا یەک خەسڵەتی لاواز و کز وجودی هەیە ئەویش جەهل و نەزانینە . مەرگی ڕووناکبیر و ئازادیخواز و نوێخوازی بە ویجدان، لەو کاتەوە دەس پێدەکات، کە لە بەرانبەر ژنوساید " سکوت " دەکات . بیگومان گەشەی سەرسوڕهێنەری کۆمەلگا ، شارستانیەت و تکنیکی مودێڕن سەلماندویەتی کە بەردەوام زانست بیری تاریک دەسمی ! ئەرکی سەرشانی ڕووناکبیران ، بیرمەندان و تێگەیشتوان و مرۆڤ دۆستەکان ئەوەیە کە سەبارەت بە هێزی کۆنەپارێز و ڕەوتی توندئاژووی دینی و دەسەڵاتی ناڕەوای خورافات و دوواکەوتوویی بنوسن و لە ماسمێدیا تۆمارو ئارشیوی کەن. تا شارۆمەندانی ساویلکە و بێ ئاگا لە هەڵویستی ڕەگەز پەرەستانە و فاشیستی دووری بگرن . بۆ مرۆڤایەتی و ئینسانی بەویجدان ئیتر شورەیی و عەیبە کە ئەوانەی بناوانی بیر و هزریان لە گۆمی لێڵ وزەلکاو هەڵبەستوە ، کردەوەی وەحشیانە دووپات کەنەوە . .
...........................................................................
گەلی شەریف و عەدالەتخوازی ئیزەدی هیچ چەشنە یاسا ، قانونی ئاینی و کولتوریان نیە کە غەیرە ئیزەدیەکان بەزۆری چەک بندەست کەن و بیر و باوڕیان داسەپێنن. ئیزەدیەکان ئەو ژن و پیاوانەی کە دینی ئیزەدی بە جێ دێڵن هەرگیز ناکوژن . شوڤینیستە تۆخەکانی عێراق کە حکومەتیان بەدەستەوە بووە ، لە هیچ کتێبێکی مێژووییدا ئاماژە بە " بوونی " ئیزەدیەکان ناکەن . دەمارگرژە کۆنەپارێز و مێشک بەردینەکان بە هەزاران شێوە لە ژنوسایدی ئیزەدیەکان بەشداریان کردووە . کاتێک هێزی نیزامی ئامریکا عێراقی جێ هێشت، چەکەکانیان بە ئەرتەشی عێراق تەحویل دا . کاتێک سەربازانی عیراقی لە مەیدانی شەڕ هەڵاتن چەکانیان کەوتە دەس هێزی دینی و بۆ کوشتاری ئیزەدیەکان کەڵکیان لی وەر گرت، کوشتار و قەڵاچوی پیاوان و ژنانی ئیزەدی سنووری تێپەراند . کچان و ژنانی زۆر وەک کۆیلە ئەسیر کران و ڕیسوایی هێرش بەران بە چڵەپۆپە گەیشت. و مێژووی سەردمیان بە چەشنێک شەرمەندە کرد، کە نموونەی ئەم جەنایەتانە لە لایەن نازیستەکان و فاشیستەکانەوە کراوە ..
..................................................................
جێ پێ گێ و - پێ کا کا لە ڕۆژئاوای کوردستانەوە نان و دەرمان و خواردنیان بۆ کۆچبەرانی هەڵاتووی ئیزەدی گەیاندە کوێستانی شەنگال و ستاتوسی بەرزیان بۆ گریلا خولقاند . هاو کات پی کا کا و پێشمەرگە دڵسۆز وقارەمانەکانی باشور لە شەنگال دژی دەسەڵاتی داعش شەڕیان کرد ونەیانهێشت شارۆمەندی زۆرتری ئیزەدی قەڵاچو کرێن . و هێزی پێشمەرگە وگریلا لە ژنان و کچانی ئیزەدی کە چاوەڕوانی ئەتک و تەحقیر وبەسەرهاتی سامناک بوون و شکۆمەندیان دەشکا پارێزگاریان کرد.
................................................................. .
" دەتوانین گوڵ لە ژێر پێمان ورد و خاش کەین،
بەڵان بۆنی هەرگیز ،
دەتوانین نەتەوەیەک ژنوساید و قەڵاچو کەین،
بەڵام مێژوو و شارستانیەتی هەرگیز " !
............................................... .........
گوڵسپاسێک بە بەرخودان و بەرەنگاری هەمیشەیی ئیزەدیەکان کە هەمیشە شیاوی ڕیز و حورمەتن ، پێشکەشە. .