ئەمرۆ کۆنگرەی پێنجەمی کۆمەڵی دادگەری بەرێوەچوو، لەسەر وتارەکەی م عەلی باپیری سەرۆکی پێشوو و داھاتوی کۆمەڵی دادگەری ، چەند سەرنجێکم ھەیە  :.
ـ مامۆستا زۆر بە راشکاوانە کەموکوڕی حیزبەکەی باسکرد، کە ئەمە جورئەتە.
ـ مامۆستا بە ئاشکرا بەو کەسانەی وت: ئیتر بەسە ھەڵپەی پلەوپۆست، کە ئەمەش لەناو حیزبدا وەکو دیاردەی لێھاتوە، کە وەکو ھاوڕێی بەرنامە لە ھەموو پلەوپۆستێکدا دەبێت ھەبن.
ـ مامۆستا باسی ئەوەی کرد، کە رەخنە بگرن، بەڵام لە سۆشیال میدیا نەبێت، با بێت لای خۆمان باسی بکات و گوێی لێدەگرین، تا ئێرە ئاساییە، بەڵام مامۆستا وتی بە سەعات گوێمان گرتوە تا خاڵی ببێتەوە، کەواتە گوێ دەگرین و بە قسەت ناکەین.
ـ مامۆستا لە وتارەکەیدا باسی کەسانی ناڕازی و رەخنەگری کردو وتی: گەر بە دڵتان نیە، دەتوانن بچنە دەرەوە لە حیزب، کە ئەمەش بێ منەتییە، بەڵام سەرۆکی حیزبەکانی تر دەڵێن: کەسمان لێ زیاد نییە، دەبێت ناڕازییەکان ڕازی بکرێن، دڵشکاوەکان ئاشت بکرێنەوە.
ـ مامۆستا لە وتارەکەیدا باسی کاری سیاسی و بارودۆخی کوردستان و خەڵکی کرد، لە وتارەکەیدا وەکو چاودێرێکی سیاسی دەردەکەوت، نەک سەرۆکی حیزبێکی ئۆپۆزسیۆن، کە ئەمەش ھێندەی تر خەڵکی کوردستانی بێ ئومێدتر کرد لە حیزبە ئۆپۆزسیۆنەکان.
ـ باسی رۆڵی خوشکان کرد، کە ئەمەش وەکو پاڵپشتی بۆ خوشکان و کاروبارەکانیان، حەقی خۆیەتی خۆشکانیش بە ستایلێکی جیاوازو بە جورئەتەوە گۆڕانکاری لە کاروبارەکانیان بکەن. 
ـ ـ پاساوھێنانەوەی م عەلی باپیر بۆ دووبارە بوونەوەی بە سەرۆک، واتەی ئەوەی کە حیزب ئامادەکاری نەکردوە بۆ گۆڕانکاری لە سەرۆک، چونکە کار بۆ ئەو گۆڕانکارییە نەکراوەو کەسی بۆ ئامادە نەکراوە. 
ـ دووبارە بوونەوەی م عەلی باپیر بە سەرۆکی حیزب، پێمان دەڵێت، حیزب لە رۆژھەڵاتی ناوەڕاست ناتوانێت گوڕانکاری بکات، چونکە ناتوانێت سەرۆکەکەی بگۆڕێت، حیزب واتە سەرۆک و دیدگای سەرۆک.

بە ھیوای سەرکەوتن و گۆڕانکاری بۆ کۆمەڵی دادگەری کوردستان.