ئەنجومەنی دادوەری دەبێ یاسا جێبەجێ بکات

حاكم شێخ له‌تیف
  2020-05-19     356

سەرۆکایەتی دادگای تێھەڵچونەوەی سلێمانی داواکاری دادوەرێکی بەرێزی بەرز کردۆتەوە کە ماوەی خزمەتی یاسایی تەواو بوەو پێویستە خانەنشین بکرێ، داوای درێژکردنەوەی ماوەی خزمەتی کردوە، بۆشی نوسیوە لاریمان نیەو سەرۆکی ئەنجومەنی دادوەریش لەسەری نوسیوە بۆ کۆبونەوەی ئەنجومەن، ھەواڵەکان دەڵێن بڕیاری درێژکردنەوەشیان بۆ دەرکردوە بەڵام بڵاو نەکراوەتەوە، لێرەوە لەئەنجومەنی دادوەری دەپرسین:

١- ئایا بڕیارتان داوە؟ ئەگەر بڕیار دراوە بەکام یاسا؟ چونکە ھیچ سەنەدێکی یاسایی درێژکردنەوەی خزمەتی دادوەران لەھەرێم نیە، یاسای دەسەلاتی دادوەری ھەرێم ڕێی پێ نەداوە و یاسای درێژکردنەوەی خزمەتی دادوەری فیدرالیش لەھەرێم نەفازی بۆ نەکراوە چونکە لێرە تەمەنی خانەنشینی دادوەر ٦٥ ساڵە لە عێراق ٦٣ ساڵە.

٢- درێژکردنەوەی ماوەی خزمەت دژی یاسای چاکسازیەکەی ھەرێمە کە جارێ مەرەکەبەکەی وشک نەبۆتەوە.

٣ - وەزارەتی دارایی پێشتر لە کەیسی تردا پێی ڕاگەیاندبوون کە ئەوان ھیچ ئیلتیزامێکی دارایی درێژکردنەوە لە ئەستۆ ناگرن.

٤- لەبەغددرێژکردنەوەی ماوەی خزمەتی فەرمانبەر بێ سەنەدی یاسایی وەک کەیسی گەندەڵی تەماشا کراوەو دراوە بەدەستەی دەسپاکی.

زۆرترین بینراو
© 2020 Awene Online, Inc. All Rights Reserved.
×