ئا: ئاوێنە
باراک ئۆباما سەبارەت بە هاوسەرەکەی دەڵێت: "کە بینیم یەکسەر زانیم ئەو ژنێکی ناوازەیە، خاوەنی کارەکتەرێکی بەهێزو زیرەکی و ئەو بەهایانەیە کە وام لێدەکات ببمە کەسێکی باشتر".
دوای نزیکەی 34 ساڵ هاوسەرگیری، خۆشەویستی نێوان باراک ئۆباما سەرۆکی پێشووی ئەمریکا و میشێلی هاوسەری بەردەوامە.
باراک دەڵێت: "نازانم پەیوەندییەکی تەواو یەکسان بووە یان نا، بەڵام بۆ من زۆر باش کاریگەری هەبوو. زیاترم لێی وەرگرتووە لەچاو ئەوەی پێم بەخشیوە. ڕەنگە بۆ میشێل ئەوە ئەزموونێکی ئاڵۆزتر بووبێت".
میشێل ئۆباما لە تەنیشتی لەسەر قەنەفەی ئۆفیسەکەی لەسەنتەری نوێی سەرۆکایەتی ئۆباما لە شیکاگۆ، ئەو شارەی کە تێیدا یەکتریان ناسی و هاوسەرگیریان کرد و کچەکانیان بوو بە ناوەکانی مالیا و ساشا، بە People دەڵێت "هاوسەرەکەم هەمیشە بیر لەوە دەکاتەوە کە چۆن ڕوناکییەک لەسەر کەسانی دیکە بدرەوشێنێتەوە".
دوای نزیکەی دە ساڵ لەجێهێشتنی کۆشکی سپی و چەند ڕۆژێک پێش کردنەوەی سەنتەری سەرۆکایەتی بەدرەوشاوەیی کە کتێبخانەی سەرۆکایەتییەکەی تێدا دەبێت، میشێل ئۆباما بەسەرسامیەوە باس لە هاوسەرەکەی دەکات.
ئەو دەڵێت “زۆر شانازی بەمیشێلەوە دەکەم کە لەسەخترین ساتەوەختەکاندا لەتەنیشتمەوە وەستاوە”.
لە چاوپێکەوتنێکی بەرفراواندا، ئەو دووانە بە ئاشکرا باس لە خۆشەویستی، "هەورازو نشێو"ی ژیانی پێکەوەبوونیان، یادەوەرییەکانی کۆشکی سپی دەکەن.
وەک ژن و مێردێک بە کردنەوەی سەنتەری نوێ لە ساوس ساید لە شیکاگۆ دەگەڕێنەوە بۆ ناو ڕیزەکانی خەڵک، کە پڕۆژەیەک بە قووڵی پەیوەستە بە ژیان و مێژوویانەوە.
"شانازی بەو شتانە دەکەم کە حکومەتەکەم بەدەستی هێناوە"
میشێل ئۆباما ڕوونی دەکاتەوە کە هاوسەرەکەی ناڕەحەتە بەو ڕوناکیەی خراوەتە سەری. ئەو دەڵێت پێی وتووە کە حەز دەکات "کەمێک کەمتر لە ئەو" لە پڕۆژەکەدا هەبێت و ڕەنگە زیاتر باسی کەسانی وەک گاندی بکەن. بەڵام جەخت لەوە دەکاتەوە کە ناوەندەکە لە سەرەتاوە تا کۆتایی دیدگای ئەو بووە. باراک دڵنیا بوو لە دروستکردنی فەزای تایبەت بە کۆمەڵگا، شوێنێک کە دانیشتوانەکەی هەست بکەن کە ئەوان سەر بەکۆمەڵگان.
باراک ئۆباما لە وەڵامدا دەڵێت شانازی بەو شتانە دەکات کە خۆی و ئیدارەکەی بەدەستیان هێناوە، بەڵام دەیەوێت خەڵک لەبیریان بێت کە هیچ شتێک بە تەنیا بە یەک کەس ناکرێ. وەک خۆی دەڵێت "هەمووان لەسەر شانی چەندین کەسی تر وەستاون و هەموو دەستکەوتێکی گەورە دەرئەنجامی هەوڵێکی دەستەجەمعییە".
هەروەها ئاماژە بەوە دەکات کە میشێل هەستی بە سەرسوڕمان کردووە بەڵام هەستی بە شانازی کردووە کاتێک گەشتێکی بە سەنتەرەکەدا کردووە و بە تەواوی درکی بەوە کردووە کە چی دروستکراوە.
بۆ هەردووکیان شوێنی سەنتەرەکە گرنگییەکی سۆزداری تایبەتی هەیە. باراک بیری دێتەوە کە جارێک ڕێگایەک بەم شوێنەدا تێپەڕیبوو کاتێک بۆ یەکەمجار هاتە شیکاگۆ، ئۆتۆمبێلێکی کۆن و پڕ لە کەلوپەلەکانی لێخوڕی. تەنها چەند خولەکێک لەو شوێنە دوورە ئەو ماڵەی کە میشێل تێیدا گەورە بووە، ئەو شوێنەی کە ئاهەنگی هاوسەرگیریان تێدا ئەنجامداوە، ئەو نەخۆشخانەیەی کچەکانیان لێی لەدایک بووە و یەکەم ماڵیان هەیە. هەر لەوێ بوو یەکەمین کاندیدبوونی سیاسی خۆی ڕاگەیاند. بۆ ئەو ئەم کۆمەڵگەیە گەنجێکی هاوایی لە باوەش گرت و هەستی ماڵەوەی پێبەخشی.
لای خۆیەوە میشێل دەڵێت، هەموو بەشێکی یادەرەری ؛ەم شوێنەدایە. کاتێک منداڵ بوو هیچ شتێکی وەک ئەم ناوەندە نەبوو. ئەو کاتێک بیر لەوە دەکاتەوە کە دەتوانێت مانای چی بێت بۆ منداڵانی گەڕەکەکە، تووشی سۆزداری دەبێت و هەر بۆیەش پڕۆژەکە بۆ ئەو بە قووڵی کەسییە.
هەروەها گفتوگۆکە دەچێتە سەرەتای پەیوەندییەکەی نێوانیان. میشێل بیری دێنێتەوە کە کاتێک بۆ یەکەمجار دەستیان بە پەیوەندی خۆشەویستی کرد، باراک شوقەیەکی بچووکی لە شەقامی ٥٣ بە کرێ گرت، پەنجەرەکانی هەمیشە لە ئێوارە گەرمەکانی هاویندا کراوە بوون. زۆرجار بۆ ئایسکرێم دەچوونە باسکین-ڕۆبینز و یەکەم ماچیان لەوێ کرد، ساتێک کە باراک لە بیرەوەرییەکانیدا باسی کردووە. بە گاڵتەجاڕیەوە دەشڵێت ئەمڕۆ تەنانەت تابلۆیەکی یادگاری لە شوێنەکەدا هەیە، بەبێ ئەوەی بزانێت کێ دایناوە.
باراک ئاماژە بە پەیکەرێکی هونەرمەند مایا لین دەکات کە دوو بەردی شێوە جیاواز بەڵام کێشی یەکسان نیشان دەدات وەک هێمایەک بۆ هاوبەشی هاوسەنگیان، باراک دەڵێت کە "نزیکەی یەکسەر زانیم — و پێدەچێت هەڵبژاردنێکی زۆر باشم کردبێت - کە ژنێکی ناوازەیە، بەو دەستپاکی و کارەکتەری و زیرەکی و بەهای کە من دەکاتە کەسێکی باشتر. ڕاستی سادەی بوون لەگەڵیدا منی کردە کەسێکی باشتر، و ئێستاش دەیکات و ئەو بناغەیە [دەدات] بە منداڵەکانمان کە بەرهەمیان هەبێت — و ڕێک ئەوە ڕوویدا.”
میشێل وەڵامی دەداتەوە کە هەمیشە وەکو هاوسەنگییەک بۆ یەکتر مامەڵەیان کردووە. ئەو پێی وایە ئەگەر باراکی نەبینیبایە، ڕەنگە زیاتر وابەستەی ئەو شوێنە بوایە کە تێیدا گەورە بووە و ژیانێکی جوان بەڵام سنووردارتری هەبووایە. بەڵام ئاسۆی نوێی نەک تەنها بۆ ئەو بەڵکو بۆ کچەکانیان و دایکی و هەموو خێزانەکەی کردەوە. وای لێکرد بزانێت کە بڕوانامەی زانکۆی هارڤارد دەتوانێت زۆر زیاتر لە پیشەی یاسایی ببات و بوێری ئەوەی پێبەخشی کە بوێری هەبێت. وەک چۆن بە تایبەتمەندی دەڵێت، ئەو هەمیشە پشتیوانی ئەو بووە، ئەو کەسەی پێیوتووە "من لێرەم بۆ تۆ"، بەبێ گوێدانە ئەو سەختی و هەڵچوونانەی کە ڕووبەڕوویان بووەتەوە.
باراک کۆتایی بە قسەکانی دەهێنێت و دەڵێت میشێل ئەو کەسەیە کە بەئارامی و سەقامگیری دەهێڵێتەوە. وە وەک خۆی بە نوکتە بەناوبانگەکەیەوە کۆمێنت دەکات، "لە کۆتاییدا هەموو شتێک بە باشی بەڕێوەچوو".