به‌رپرسی نوسینگه‌ی مالیكی له‌باره‌ی جورف سه‌خر: به‌قاچخبردنی نه‌وت و روبه‌ڕوبونه‌وه‌ی چه‌كداریش ره‌تده‌كه‌ینه‌وه‌
  2026-11-16     

به‌رپرسی نوسینگه‌ی راگه‌یاندنی نوری مالیكی، سه‌رۆكی هاوپه‌یمانی ده‌وڵه‌تی یاسا له‌باره‌ی كێشه‌ی جورف سه‌خر رایده‌گه‌یه‌نێت، به‌قاچاخبردنی نه‌وت و هاوكات روبه‌ڕوبونه‌وه‌ی چه‌كداریش ره‌تده‌كه‌ینه‌وه‌و داوا ده‌كه‌ین كێشه‌كه‌ به‌ گفتوگۆ و لێكتێگه‌یشتن چاره‌سه‌ربكرێت.

ئاوێنه‌: هیشام ركابی، به‌رپرسی نوسینگه‌ی راگه‌یاندنی نوری مالیكی، سه‌رۆكی هاوپه‌یمانی ده‌وڵه‌تی یاسا، له‌دوای كۆتاییهاتنی كۆبونه‌وه‌كه‌ی ئه‌مشه‌وی چوارچێوه‌ی هه‌ماهه‌نگی كه‌ له‌باره‌ی كێشه‌ جورف سه‌خره‌وه‌ بێ ئه‌نجام بو، له‌ په‌یامێكدا له‌ سه‌كۆی ئێكس نوسیویه‌تی "هەڵوێستمان ڕونە: داوای چارەسەرکردنی کێشەکە دەکەین بە لێکتێگەیشتن و گفتوگۆ، بەشێوەیەک کە سامانی نیشتمانی و بەرژەوەندییەکانی عێراق بپارێزرێن."

ئه‌و جه‌ختیشی كردۆته‌وه‌ "هەمو جۆرە بەقاچاخبردنێکی نەوت یان یاریکردن پێی ڕەتدەکەینەوەو هەر کەسێک تێوەگلانی بسەلمێنرێت بەرپرسیارێتییەکەی هەڵدەگرێت."

هیشام ركابی وتوشیه‌تی "هەروەها ئه‌وه‌ش ره‌تده‌كه‌ینه‌وه‌ كه‌ قەیرانەکە بەرەو ڕوبەڕوبونەوەی چەکداری بڕوات، چونکە هەردو لا برامانن و پەرۆشیانین، نەوتیش سامانی عێراقە و ئەرکی هەمومانە بیپارێزین."

به‌پێی میدیا عێراقی و عه‌ره‌بییه‌كان له‌ كۆبونه‌وه‌كه‌ی ئه‌مشه‌وی چوارچێوه‌ی هه‌ماهه‌نگیی شیعه‌كاندا، گفتوگۆكان له‌باره‌ی كێشه‌ی جورف سه‌خره‌وه‌ بێ ئه‌نجام بون و به‌وهۆیه‌وه‌ گرژی له‌نێوان به‌شێك له‌ سه‌ركرده‌كانی لایه‌نه‌ شیعه‌كان دروست بوه‌و هه‌مام حه‌مودی،  سەرۆکی ئەنجومەنی باڵای ئیسلامیی عێراق كه‌ میوانداری كۆبونه‌وه‌كه‌ی كردوه‌، به‌ناچاری كۆتایی به‌ كۆبونه‌وه‌كه‌ هێناوه‌.

به‌پێی میدیا عه‌ره‌بییه‌كان، هه‌ندێك لایه‌نی نێو چوارچێوه‌ی هه‌ماهه‌نگی دژی بڕیاره‌كه‌ی زه‌یدی بون بۆ چونه‌ ناوه‌وه‌ی هێزه‌ ئه‌منییه‌كان بۆ جورف سه‌خر. به‌ڵام زه‌یدی سوربوه‌ له‌سه‌ر بڕیاره‌كه‌ی و كۆبونه‌وه‌كه‌ی به‌جێهێشتوه‌.

وه‌ك به‌شێك له‌ میدیا عێراقییه‌كان ئاماژه‌یان پێداوه دۆخه‌كه‌ ئاڵۆز بوه‌و‌ له‌دوای كۆبونه‌وه‌كه‌ هادی عامری، سه‌رۆكی رێكخراوی به‌در، خێرا خۆی گه‌یاندۆته‌ ئه‌بو فه‌ده‌ك، سه‌رۆك ئه‌ركانی حه‌شدی شه‌عبی بۆ كۆبونه‌وه‌.

زۆرترین بینراو
یەکێتی گوناحە، لای مێزەکەی "هەرێمە نوێکە" چی دەگوزەرێت؟
محه‌مه‌د فه‌یسه‌ڵ كه‌ریم خان برادۆستی ده‌ست له‌كاركێشانه‌وه‌ی پێشكه‌شی په‌رله‌مانی كوردستان كرد
وته‌بێژی پارتی: هه‌وڵی زه‌مینه‌خۆشكردن بۆ كۆبونه‌وه‌ له‌گه‌ڵ یه‌كێتی ده‌ده‌ین
دادگای فیدراڵی دۆسیەی موڵکە حکومییەکانی لە بەرژەوەندیی حکومەتی هەرێمی کوردستان یەکلایی کردەوە
دادگای فیدراڵی داوایەکی یەکێتی و نەوەی نوێی بۆ ڕاگرتنی بڕیارەکانی پەرلەمانی کوردستان ڕەتکردەوە
شاسوار عه‌بدولواحید: سێ بژارده‌مان له‌به‌رده‌مدایه‌، سبه‌ی ده‌چینه‌وه‌ به‌غدا بۆ درێژه‌دان به‌ گفتوگۆكان
گرژییەکانی سوریا قووڵتر دەبنەوە؛ گروپێکی نزیک لە ئێران هەڕەشەی تیرۆرکردن لە فەرماندەکانی دیمەشق دەکات
شارەزایەکی ئابووری ڕێڕەوەکانی بەقاچاخبردنی نەوتی هەرێم و ڕۆڵی کۆمپانیای DNO ئاشکرا دەکات
لە سلێمانی دەست بەسەر کێڵگەیەکی برنجدا گیرا
حکومەتی عێراق: مۆڵەت دراوە کەتیبەکانی حزبوڵڵا جورف سەخر چۆڵ بکەن و ئەگەری هەیە سوپا بچێتە هەرێمی کوردستان
© 2026 Awene Online, Inc. All Rights Reserved.
×