دەزگای ئاسایشی هەرێمی كوردستان رایگەیاند، بەڕێوەبەرایەتی ئاسایشی رۆژئاوای سلێمانی لە چەند رۆژی رابردودا سێ گروپی دزیكردنی دەستگیركردون كە لە 13 كەس پێكهاتون.
ئاوێنە: بەپێی راگەیەندراوێكی دەزگای ئاسایشی هەرێمی كوردستان، ئەو تۆمەتبارانە بە فەرمانی دادوەری لێكۆڵینەوە دەستگیركراون كە لە سنوری قەزای چەمچەماڵ و ناحیەکانی دەوروبەری هەستاون بە دزیکردن لە ماڵان و دوکان و شوێنە گشتیەکان، هەروەها وەرگرتنی سەرانە لە هاوڵاتیان.
وتوشیەتی، سەرجەم ئەو کەلوپەل و ئامێرانەی دزیویانن پێکهاتبون لە ئۆتۆمۆبێل، ئاڵتون، پارەو مۆبایل.
بەگوێرەی راگەیەندراوەكە، تۆمەتبارەكان دانیشتوی هەرێمی کوردستان و پارێزگاکانی خوارو و ناوڕاستی عێراقن و لە ئێستادا ڕاگیراون و لێکۆڵینەوە لە دۆسیەکانیان بەردەوامە.