ئەمڕۆ پێنجشەممە 21ی ئەیلولی 2023، محەمەد شیاع سودانی، سەرۆک وەزیرانی ئەمریکا لەگەڵ برێت مەکگۆرک، نێردەی تایبەتی نەتەوە یەکگرتووەکانی ئەمریکا بۆ ڕۆژهەڵاتی ناوەڕاست و باکووری ئەفریقا، سەبارەت بە پەیوەندییە گشتییەکانی نێوان عێراق و ئەمریکا گفتوگۆی کرد، هاوکات مەکگۆرک پابەندبوونی خۆی بە ڕێککەوتنی چوارچێوەی ستراتیژی نوێکردەوە.
ئاوێنه: نووسینگەی ڕاگەیاندن لە بەیاننامەیەکدا ڕایگەیاندووە، " سودانی لە نیویۆرک، لە پەراوێزی بەشداریکردنی لە 78 هەمین کۆبوونەوەی گشتی نەتەوە یەکگرتووەکان، لەگەڵ برێت مەکگۆرک نێردەی تایبەتی سەرۆکی ئەمریکا بۆ ڕۆژهەڵاتی ناوەڕاست و باکووری ئەفریقا کۆبوەتەوە".
ئاماژەی بەوەشکرد، "لە کۆبوونەوەکەدا گفتوگۆی تایبەت بە پەیوەندییەکانی نێوان عێراق و ئەمەریکا ئەنجامدرا، هەروەها ڕێگاکانی پتەوکردن و پەرەپێدانیان لە ئاست و بوارە جیاجیاکاندا تاوتوێکرا، بە شێوەیەک کە لە خزمەتی بەرژەوەندییەکانی هەردوو وڵاتدا بێت".
سەرۆک وەزیرانی عێراق دووپاتیکردەوە، "عێراق هەوڵدەدات پەیوەندی ستراتیژی لەگەڵ ئەمەریکا پەیڕەو بکات، لەسەر بنەمای بەرژەوەندی هاوبەش و ئابووری بنیاتنەر"، ئاماژەی بەوەشکرد، "گۆڕەپانی وەبەرهێنان لە عێراق کراوەیە بۆ کۆمپانیا ئەمریکییەکان بۆ ئەوەی بەشداری بکەن لە پلانەکانی چاکسازی و ئاوەدانکردنەوەی ژێرخانی ئابووری عێراق."
لای خۆیەوە، برێت مەکگۆرک "پشتیوانی وڵاتەکەی بۆ سەرکەوتنی هەنگاوەکانی چاکسازیی حکومەت، بەردەوامیی پێدانی ئامۆژگاری و مەشق و ڕاهێنان لەلایەن ئەمریکاوە بۆ هێزە عێراقییەکان لە شەڕی دژی داعش" دووپاتکردەوە.
نوێکردنەوەی پابەندبوونی ئیدارەی ئەمریکای ڕاگەیاند بە " ڕێککەوتنی چوارچێوەی ستراتیژی، و پشتگیریکردن لەو چاکسازیانەی کە حکومەت لە بواری ئابووری و بنیاتنانەوەی ژێرخانی ئابووری و بەرەنگاربوونەوەی گەندەڵیدا ئەنجامی داوە."