بانكی ناوەندی عێراق بڵاوی كردەوە، ئەمڕۆ بڕی ٢١٧ ملیۆن و ٤٨٨ هەزار و ٧٧ دۆلار خراوەتە بازاڕەكانەوە، دەشڵێن: لەو بڕە ٢٨ ملیۆن و ٨٣٠ هەزار دۆلار بە شێوەی کاش فرۆشراوە.
بانكی ناوەندی عێراق، لە ڕاگەیاندراوێكدا بڵاوی كردەوە، ئەمڕۆ بڕی ٢١٧ ملیۆن و ٤٨٨ هەزار و ٧٧ دۆلار خراوەتە بازاڕەكانەوە.
ئەوەش خراوەتەڕوو، لەو بڕە ٢٨ ملیۆن و ٨٣٠ هەزار دۆلار بە شێوەی کاش و ١٨٨ ملیۆن و ٦٥٨ هەزار و ٧٧ دۆلاریش بە شێوەی حەواڵە فرۆشراوە.
ئەوەش لە كاتێكدایە، ماوەی چەند مانگێکە بەهای دۆلاری ئەمریكی لە بازاڕەكانی عێراق و هەرێمی كوردستان بەرامبەر دیناری عێراق بە شێوەیەكی بەرچاو بەرز بووەتەوە، بە جۆرێك لە ئێستادا ١٠٠ دۆلار بەرامبەر ١٥٢ هەزار ٥٠ دینار ئاڵوگۆڕی پێ دەكرێت.