بانكی ناوەندی عێراق بڵاوی كردەوە، ئەمڕۆ بڕی ٢١٠ ملیۆن و ٩٣٢ هەزار و ٧٠٣ دۆلار خراوەتە بازاڕەكانەوە، دەشڵێن، لەو بڕە نۆ ملیۆن و ٨٠ هەزار دۆلار بە شێوەی نەقد فرۆشراوە.
بانكی ناوەندی عێراق لە ڕاگەیەندراوێكدا بڵاوی كردەوە، ئەمڕۆ بڕی ٢١٠ ملیۆن و ٩٣٢ هەزار و ٧٠٣ دۆلار خراوەتە بازاڕەكانەوە.
ئاماژە بەوەشکراوە، لەو بڕە نۆ ملیۆن و ٨٠ هەزار دۆلار بە شێوەی نەقد فرۆشراوە و ٢٠١ ملیۆن و ٨٥٢ هەزار و ٧٠٣ دۆلاریش بە شێوەی حەواڵە فرۆشراوە.
ئەوەش لە كاتێكدایە، ماوەی چەند مانگێگە بەهای دۆلاری ئەمریكی لە بازاڕەكانی عێراق و هەرێمی كوردستان بەرامبەر دیناری عێراق بە شێوەیەكی بەرچاو بەرز بووەتەوە، بە جۆرێك لە ئێستادا ١٠٠ دۆلار بەرامبەر ١٥٠ هەزار و ٥٠٠ دینار ئاڵوگۆڕی پێ دەكرێت.