بە هۆی هەڵکشانی ڕێژەی هەڵاوسانەوە، بەهای لیرەی تورکی لە بەرامبەر دۆلار و یۆرۆ و دراوە جیهانییەکان دابەزی.
ئەمڕۆ سێشەممە، نرخی 100 دۆلار گەیشتە سێ هەزار و 204 لیرە، ئەمەش یەکەم جارە نرخی لیرە بۆ ئەو ئاستە دابەزێت و 100 یۆرۆش بوو بە سێ هەزار و 510 لیرە.
بەردەوامبوونی داکشانی بەهای لیرە بۆ بەرزبوونەوەی ڕێژەی هەڵاوسان دەگەڕێتەوە و بە پێی نوێترین داتاش هەڵاوسان بۆ 67.07٪ بەرزبووەتەوە، لە ساڵی 2022شەوە ئەمە یەکەمجارە ڕێژەکە بگاتە ئەو ئاستە.
پێشبینی دەکرێت ناسەقامگیری ڕێژەی هەڵاوسان، دابەزینی زیاتری بەهای لیرەی لێ بکەوێتەوە.