بانکی ناوەندی عێراق لە سەکۆی تایبەتی ئابووری بانکەکەوە رایگەیاند، لە نێوان گۆڕانکاری مامەڵە داراییەکاندا لە دۆلارەوە بۆ دینار ئاستی ئابووری عێراق و پێوەرەکانی گەشەی ئابووری بەڕێژەی ٢٪ بەرزبوونەوەی بەخۆیەوە دیوە.
دەشڵێت، تێکڕای ئاستی پارەدارکردنی بانکەکانی عێراق بەهۆی گۆڕانکاری لە سیستمی نەختینەوە بۆ ئەلیکترۆنیکردنی مامەڵەداراییەکان و بەبانکیکردنی سیستمە داراییەکانەوە لە ١٢٩ ترلیۆن دینارەوە بۆ زیاتر لە ١٣١ ترلیۆن دینار بەرزبووەتەوە.
ڕاشیگەیاند، لە ئێستاشدا بانکە بازرگانییەکان و ئاستی مامەڵەی بازرگانان و کۆمپانیا بیانیەکان ئاستی نەختینەی مامەڵەکانیان بە دینار بەرزبووەتەوە بۆ ٥٥ ترلیۆن و ٥٠٠ ملیار دینار کە ئەوەش کاریگەری دەکاتە سەر بەرزبوونەوەی بەهای دینار بەرامبەر بە دۆلار.
ئاماژە بەوەشکراوە، ئاستی گەڕاندنەوەی نەختینەی ساڵانەی بانکەکان بۆ بانکی ناوەندی لە ٦٠ ترلیۆنەوە بەرزبووەتەوە بۆ ٦٩ ترلیۆن دینار، و پێشبینیش دەکرێت تا کۆتایی ئەمساڵدا بەرزبێتەوە بۆ زیاتر لە ٧٣ ترلیۆن دینار.