وەزارەتی کشتوکاڵی عێراق: پێنج کەس بە تای خوێنبەربوون گیانیانلەدەستداوە
  2024-05-15       194       

جارێکى دیکە، تاى خوێنبەربوون لە عێراق تەشەنە دەکاتەوەو 40 حاڵەتى توشبوون و پێنج حاڵەتى گیانلەدەستدان لە پارێزگاکانى بەغداد و چەند پارێزگایەکى دیکە تۆمار دەکرێت.

وەزارەتى کشتوکاڵى عێراق رایگەیاند، بۆ رێگرى لە تەشەنەکردنى زیاترى تاى خوێنبەربوون، لە 15ى نیسانەوە بە بەشدارى 246 تیم  هەڵمەتێکى دەرمانڕشتنى لە کێڵگەکانى بەخێوکردنى ئاژەڵ لە 15 پارێزگا دەستپێکردووە، بە تایبەت لە پارێزگاى زیقار کە زۆرترین حاڵەتەکانى تاى خوێنبەربوونى تێدا تۆمارکراوە.

بە گوێرەى ئامارەکانى وەزارەتى کشتوکاڵ، لە مساڵدا، 40 حاڵەتى توشبوون و پێنج حاڵەتى گیانلەدەستدان بە تای خوێنبەربوون لە پارێزگاکانى بەغداد و نەینەوا و زیقار و بابل تۆمارکراوە، ساڵى رابردووش 545 حاڵەتى توشبوون و 70 حاڵەتى گیانلەدەستدان هەبووە.

زۆرترین بینراو
© 2024 Awene Online, Inc. All Rights Reserved.
×