بانکی ناوەندیی عێراق خشتەی خستنەڕووی دۆلاری ئەمڕۆی بڵاوکردەوە و بە گوێرەی خشتەکە بانکەکە 277 ملیۆن و 778 هەزار و 717 دۆلاری فرۆشتووە.
بە گوێرەی خشتەی بانکەکە، لەو بڕە 21 ملیۆن و 950 هەزار دۆلاری بەشێوەی کاش بووە و 255 ملیۆن و 828 هەزار و 717 دۆلاری بەشێوەی حەواڵەی بازرگانی بووە.
ئێستا بەهای 100 دۆلاری ئەمریکی هاوتای 144 هەزار و 700 دیناری عێراقییە و ئەمڕۆ بەهای دۆلار لە بازاڕەکانی هەرێم بەرزبوونەوەیەکی کەمی بەخۆیەوە بینی و نزیکەی 200 دینار بەرزبووە بەراورد بە کاتی کردنەوەی بازاڕەکان لە بەیانی ئەمڕۆدا کە 144 هەزار و 500 دینار بوو.