نرخی نەوت 25 سەنت دابەزینی بەخۆیەوە بینی، ئەوەش لەژێر كاریگەری راپۆرتی بازاڕی كاری ئەمریكا.
ئاوێنە: دوێنێ هەینی لە كاتی داخستنی بازاڕەكانی نەوت لە جیهان، نرخی یەك بەرمیل نەوتی برێنت 25 سەنت دابەزی و بە 79 دۆلار و 62 سەنت مامەڵەی پێوەکرا.
هاواكت نرخی نەوتی سوکی تەکساس بەهەمان شێوە 25 سەنت دابەزی، بە 75 دۆلار و 53 سەنت مامەڵەی پێوەکرا.
دابەزینی نرخی نەوت دوای ئەوە دێت كە بەپێی راپۆرتی وەزارەتی کاری ئەمریکا، ژمارەیەکی زۆری هەلی کار لە مانگی رابردودا رەخساوە کە دەبێتە هۆکار بۆ بەرزبوونەوەی خەرجی بەکاربەر و هەڵاوسان لەو وڵاتە.