نرخی نەوتی خاو و زێڕ لە بازاڕەکانی جیهان ڕوویان لە بەرزبوونەوە کرد و بەجۆرێک نرخی یەک بەرمیل نەوتی خاوی برێنت ٨٤ دۆلاری تێپەڕاند.
ئەمڕۆ نرخی یەک بەرمیل نەوتی خاوی برێنت لە بازاڕەکانی جیهاندا بەرزبووەوە بۆ ٨٤ دۆلار و پێنج سەنت، لەکاتێکدا دوێنێ بە ٨٢ دۆلار و ٢١ سەنت بوو.
نرخی یەک بەرمیل نەوتی خاوی ئەمریکی بەرزبوەوە بۆ ٧٩ دۆلار و ٥٠ سەنت، لەکاتێکدا دوێنێ بە ٧٧ دۆلار و ٦٨ سەنت مامەڵەی پێوەکرا.
هاوکات لە بازاڕەکانی جیهان نرخی یەک ئۆنسە زێڕ بە دوو هەزار و ٣٢٠ دۆلار مامەڵەی پێوە دەکرێت، لەکاتێکدا دوێنێ بە دوو هەزار و ٣١٧ دۆلار فرۆشرا.