بانکى ناوەندیی عێراق، نووسراوى بۆ فڕۆکەخانەکانى هەولێر و سلێمانى نەناردووە بۆ فرۆشتنى دۆلار بە گەشتیاران بە نرخى فەرمى کە 132 هەزار دینارە بۆ هەر سەد دۆلارێک.
ئەحمەد هۆشیار، بەڕێوەبەرى فڕۆکەخانەى نێودەوڵەتیی هەولێر ڕایگه‌یاند هیچ نووسراوێکى فەرمى بانکى ناوەندى عێراقمان پێنەگەیشتووە بۆ فرۆشتنى دۆلار بە گەشتیاران".
هاوکات، دانا محەمەد، بەڕێوەبەرى راگەیاندن و پەیوەندییەکانى فڕۆکەخانەى نێودەوڵەتیی سلێمانى رایگەیاند "هیچ نووسراوێکى فەرمى لەلایەن بانکى ناوەندییەوە نەنێردراوە بۆ ئەوەى دۆلار بە نرخى فەرمى بدرێتە گەشتیاران".
ئەوەشی خستەڕوو کە ساڵى رابردوو بانکى ناوەندیى عێراق تەنیا بۆ ماوەى دوو هەفتە لە فڕۆکەخانەى نێودەوڵەتیى سلێمانی دۆلارى بە نرخى فەرمى دەدا بە گەشتیاران، دواتر ئەوەش راگیرا.