سەرلەبەیانی ئەمڕۆ هەینی، نرخی نەوت لە بازاڕەكانی جیهان بەرزبونەوەی بەخۆیەوە بینی و نرخی یەك بەرمیل نەوتی برێنت بۆ نزیكەی 83 دۆلار بەرزبوەوە.
ئاوێنە: سەرلەبەیانی ئەمڕۆ هەینی نرخی نەوت لە بازاڕەكانی جیهان بەرزبونەوەی بەخۆیەوە بینی و لە ئێستادا نرخی یەك بەرمیل نەوتی خاوی برێنت بە 82 دۆلارو 50 سەنتەر مامەڵەی پێوەدەكرێت.
هاوكات نرخی یەك بەرمیل نەوتی تەكساس بە 78 دۆلارو 36 سەنت مامەڵەی پێوەدەكرێت.
نرخی نەوت ئەمڕۆ و دوێنێ روی لە بەرزبونەوە كردوە ئەوەش بەهۆی ئەوەی كە داتاكان نیشانی دەدەن كە ئابوریی ئەمریكا بەشێوەیەكی خێراتر لەوەی چاوەڕوان دەكرێت گەشەی كردوە.
لەگەڵ ئەوەش لەم سێ هەفتەیەی رابردودا نرخی نەوت دابەزینی بەخۆیەوە بینیوە، ئەوەش لە سایەی دابەزینی ئاستی خواست لەسەر نەوت لە چین و هەروەها پێشبینییەكان بۆ راگرتنی شەڕی غەززە.