نرخی ئەمپێرێک كاره‌بای مۆلیده ئەهلییەکان بۆ مانگى ٧ له نێوان ١٥ هەزار دینار بۆ ١٦ هەزار دینار دەبێت، به‌هۆی جیاوازیی كارپێكردنیی مۆ‌لیده‌كانیش له گه‌ڕه‌كێك بۆ گه‌ڕه‌كێكی تر نرخەکە دەگۆڕێت.
بەڕێوەبەرایەتیی گشتی کارەبای سلێمانی لە ڕاگەیاندراوێکدا بڵاوی کردەوە، ئەمڕۆ لیژنەی سه‌رپه‌رشتیارى مۆلیده ئەھلییەکانی سلێمانی بۆ هه‌ژماركردنی نرخی كاره‌بای مۆلیدە ئه‌هلییه‌كان كۆبوونه‌وه و تێیدا به پێى نرخى گازوایل و كاتژمێره‌كانى كاركردن، نرخى ئه‌مپێرێك كاره‌باى مۆلیده‌ى ئه‌هلى بۆ مانگی ٧ـی ڕابردوو له نێوان ١٥ هەزار دینار بۆ ١٦ هەزار دینار ده‌بێت.
لە بەشێکى دیکەى ڕاگەیاندراوەکەدا هاتووە، به‌هۆی جیاوازیی كارپێكردنی مۆ‌لیده‌كانیش له گه‌ڕه‌كێك بۆ گه‌ڕه‌كێكی دیكە، نرخی ئەمپێرێک کارەباى مۆلێدە ئەهلیەکان دەگۆڕێت.
دەشڵێن، خشته‌ی كارپێكردنی مۆلیدەکان لە مانگى ٦دا ٢٤ کاتژمێرى دەبێت و هەرکات کارەبا کوژایەوە دەبێت کار بە مۆلیدەکان بکەن.