بزوتنەوەی حەماس، ئەمڕۆ هەینی، كوژرانی یەحیا سینوار، سەرۆكی مەكتەبی سیاسی بزوتنەوەكەیان پشتڕاست كردەوە.
ئاوێنە: بزوتنەوەی حەماس لە راگەیەندراوێكدا، وتی، ماتەمینی رادەگەیەنن بۆ كوژرانی یەحیا سینوار، سەرۆكی مەكتەبی سیاسی بزوتنەوەكەیان و فەرماندەی شەڕی تۆفانی ئەقسا.
بزوتنەوەكە وتوشیەتی، سینوار لە سەر خاكی غەززەو لە روبەڕوبونەوەی هێزەكانی ئیسرائیلدا كوژراوە.
ئەوەش لەكاتێكدایە كە دوێنێ پێنجشەممە، ئیسرائیل كوژرانی سەرۆكی مەكتەبی سیاسی بزوتنەوەی حەماسی لە ناوچەی رەفەح لە كەرتی غەززە راگەیاند.