جەمال کۆچەر ڕایگەیاند، بانکی ناوەندی بە وردی چاودێریی نرخی دۆلار و دراوەکانی دیکە لە بازاڕدا دەکەن، بەرزبوونەوەی ئەمجارەی نرخی دۆلار کاتییە و بەردەوام نابێت، دەشڵێت، ئەگەر لە داهاتوودا ئەم بەرزبوونەوەیە بەردەوام بێت، ئەوا پەرلەمان هەڵوێستی دەبێت.
ئاوێنه: جەمال کۆچەر، ئەندامی لیژنەی دارایی پەرلەمانی عێراق لەبارەی بەرزبونەوەی نرخی دۆلار لە بازاڕەكانی هەرێم و عێراق ڕایگەیاند، بانکی ناوەندی بە وردی چاودێریی نرخی دۆلار و دراوەکانی دیکە لە بازاڕدا دەکەن، بەرزبوونەوەی ئەمجارەی نرخی دۆلار کاتییە و بەردەوام نابێت.
وتوشیەتی، ئەگەر لە داهاتوودا ئەم بەرزبوونەوەیە بەردەوام بێت، ئەوا پەرلەمان هەڵوێستی دەبێت و پارێزگاری بانکی ناوەندی بانگهێشتی پەرلەمان دەكرێت.
ئەوەش لەكاتێكدایە، ماوەی چەند ڕۆژێكە بەهای دۆلار لە بازاڕەكانی هەرێم و عێراق بەرزبوەتەوە بەجۆرێك دوێنێ 100 دۆلاری ئەمریکی 152 هەزار دیناری عێراقی تێپەڕاند.
جێگای ئاماژەیە، بە وتەی شارەزایانی دارایی بەرزبونەوەی بەهای دۆلار لە بازاڕەكان بەهۆی پشوەكانی سەری ساڵە كە بازاڕەكانی ئاڵوگۆڕ داخراون و هەروەها بوونی خواستە لەسەری لەلایەن گەشتیارانەوە.