ئەسعەد شیبانی، وەزیری دەرەوەی ئیدارەی نوێی سوریا رایگەیاند، سعودیە بانگهێشتی كردوە بۆ سەردانی ئەو وڵاتەو ئەمیش لای خۆیەوە بانگهێشتەكەی قبوڵ كردوە.
ئاوێنە: ئەسعەد شیبانی، ئەمڕۆ دوشەممە، لە پۆستێكدا لە تۆڕی ئێكس وتی، بانگهێشتێكی رەسمیم لەلایەن وەزیری دەرەوەی سعودیە پێگەیشت بۆ سەردانكردنی ئەو وڵاتە.
ئەوەشی خستۆتەڕو، "ئەم بانگهێشتە بەوپەڕی خۆشەویستی و خۆشحاڵییەوە قبوڵ دەكەم و جێی شانازیمە لە یەكەم سەردانی دەرەوەی وڵاتدا، نوێنەرایەتی وڵاتەكەم دەكەم."
شیبانی جەختیشی كردۆتەوە كە چاویان لەوەیە پەیوەندییەكی ستراتیژی لە تەواوی بوارەكاندا لەگەڵ سعودیە بونیادبنێن.