هادی عامری سەرۆکی ڕێکخراوی بەدر ڕایگەیاند، سەرۆك وەزیرانی عێراق بەشەخسیی لەبارەی دەنگۆی هەڵوەشانەوەی حەشدی شەعبی قسەی لەگەڵ کردوە، ده‌شڵێت:"ئه‌مریكیه‌كان هیچ په‌یامێكیان له‌وباره‌یه‌وه به‌عێراق نه‌داوه".
ئاوێنە: هادی عامری ئەمڕۆ چوارشەممە ئاشكرایكرد، "بەشەخسی لەگەڵ سودانی قسەم کرد، ئەو ڕەتیکردەوە ئەمریکییەکان داوای هەڵوەشانەوەی حەشدی شەعبییان کردبێت‌و په‌یامێكیان له‌وباره‌یه‌وه پێدابێت".
بەوتەی عامری، ئەوەی لەوبارەیەوە دەوترێت درۆو بانگەشەیە، ئه‌وه‌شى وت:"حەشدی شەعبی پارێزەری ئاسایشی عێراقەو هەڵناوەشێتەوە".
لەبارەی دۆخی ئێستای سوریا هادی عامری وتی:"ئەوەی لەوێ دەگوزەرێ، پڕۆژەیەکی زایۆنی-ئەمریکییە".