بانكی ناوەندی عێراق بڵاوی كردەوە، ئەمڕۆ بڕی 299 ملیۆن و 249 هەزار و 476 دۆلار خراوەتە بازاڕەكانەوە، دەشڵێن، لەو بڕە 28 ملیۆن و 150 هەزار دۆلار بە شێوەی نەقد بووە.
ئاوێنە: بانكی ناوەندی عێراق لە ڕاگەیەندراوێكدا بڵاوی كردەوە، ئەمڕۆ بڕی 299 ملیۆن و 249 هەزار و 476 دۆلار خراوەتە بازاڕەكانەوە.
ئەوەش خراوەتەڕوو، لەو بڕە 28 ملیۆن و 150 هەزار دۆلار بە شێوەی نەقد فرۆشراوە و 271 ملیۆن و 99 هەزار و 476 دۆلاریش بە شێوەی حەواڵە فرۆشراوە.
ئەوەش لە كاتێكدایە، ماوەی زیاتر لە ساڵێكە بەهای دۆلاری ئەمریكی لە بازاڕەكانی عێراق و هەرێمی كوردستان بەرامبەر دیناری عێراق بە شێوەیەكی بەرچاو بەرز بووەتەوە، بە جۆرێك لە ئێستادا ١٠٠ دۆلار بەرامبەر 150 هەزار و 900 دینار ئاڵوگۆڕی پێ دەكرێت .