سەرۆکی ئەمریکا ڕایگەیاند، ئەگەر هەیە ئەمریکا ڕێککەوتنێکی بازرگانیی نوێ لەگەڵ چین ئەنجام بدات.
ئاوێنە: دۆناڵد ترەمپ، سەرۆکی ئەمریکا سەبارەت بە ڕێککەوتنێکی بازرگانی نوێ لەگەڵ چین ڕایگەیاند، ئەمریکا ساڵی ٢٠٢٠ ڕێککەوتنێکی بازرگانی لەگەڵ چین ئەنجامداوە و ئێستا ئەگەری پەیماننامەیەکی نوێ لە ئارادایە.
هاوکات، ئەمریکا باجی گومرگیی ١٠٪ـی زیادەی بەسەر هاوردەکردنی سەرجەم کەلوپەلەکانی چینی بۆ وڵاتەکەی سەپاند، کە لە سەرەتای ئەم مانگەوە دەستیپێکرد.
هەروەها، چین وەڵامی باجەکانی داوەتەوە و سکاڵای لە ڕێکخراوی بازرگانیی جیهانی لە دژی واشنتن تۆمارکردووە، کە ئەمەش دەتوانێت تاقیکردنەوەیەکی سەرەتایی بێت بۆ هەڵوێستی ترەمپ بەرامبەر بەو ڕێکخراوە.