دكتۆر سەعدون عومەر دەڵێت، لە پاش ڕۆژوو شكاندن نابێت چەند هەڵەیەك ئەنجام بدەین لەوانەش، نەخواردنەوەی بڕێکی زۆر لە ئاو پاش ڕۆژوو شکاندن و جوینی خواردن بە ئارامی یارمەتیدەرە لە باشترکردنی کرداری هەرس و هەستکردن بە تێری بە خێرایی.
ئاوێنە: دكتۆر سەعدون عومەر، پسپۆڕی نەشتەرگەری گشتی لەبارەی چەند هەڵەیەك لە پاش شكاندنی ڕۆژوو هۆشداری دەداتە هاوڵاتیان، كە نابێت چەند هەڵەیەك ئەنجام بدەن و دەقی نووسینەكەشی بەمجۆرەیە:-
زۆر کەس لەپاش ڕۆژوو شکاندن لە مانگی ڕەمەزاندا کۆمەڵێك هەڵە ئەنجام دەدەن، کە وادەکات تووشی ئاوسانی سك ببن و ئازاری گەدەیان بۆ درووستببێت.
هەندێک ڕێنمایی بۆ پارێزگاریکردن لە تەندرووستیتان لەم مانگەدا دەخەینە ڕوو، كە بەمجۆرەن:-
یەكەم- نەخواردنەوەی بڕێکی زۆر لە ئاو پاش ڕۆژوو شکاندن.
دووەم- جوینی خواردن بە ئارامی یارمەتیدەرە لە باشترکردنی کرداری هەرس و هەستکردن بە تێری بە خێرایی.
سێیەم- شیرینی و شەربەت کەم بخۆ پاش ڕۆژوو شکاندن.
چوارەم- دوورکەوتنەوە لە خواردنی سوێر چونکە دەبنەهۆی تینوێتی.
پێنجەم- دوورکەوتنەوە لە خواردنە سورەکراوەکان.
شەشەم- پاش ڕۆژوو شکاندن هەموو دوو کاتژمێر جارێك کوپێك ئاو بخۆنەوە بۆئەوەی لەکاتی ڕۆژوودا هەست بە تینوێتی نەکەن.