نەبیل مەرسومی، شارەزای ئابوریی عێراقی رایگەیاند، بەهۆی پابەند نەبونی بە بڕیاری ئۆپیك پڵەسەوە لەبارەی بەرهەمهێنانی پشكی نەوت، عێراق دەبێت لەم مانگەوە بەرهەمهێنانی 125 هەزار بەرمیل نەوت كەم بكاتەوە.
ئاوێنە: نەبیل مەرسومی، شارەزای ئابوریی عێراقی لە پۆستێكدا لە فەیسبوك راشیگەیاندوە، كەمكردنەوەكەی عێراق لەم مانگەوە دەستپێدەكات تاوەكو مانگی حوزەیرانی 2026.
بەپێی قسەی ئەو شارەزایە، كەمكردنەوەكە دەبێت مایەی دابەزینی هەناردەی نەوتی عێراق بۆ 3.2 ملیۆن بەرمیلی رۆژانەو هەروەها بەوەش داهاتی نەوتی عێراق مانگانە 262 ملیۆن دۆلار و ساڵانە 3.190 ملیار دۆلار دادەزێت.
وتوشیەتی، ئەوەش دەبێتە هۆی قوڵكردنەوەی كورتهێنانی بودجەی گشتی بۆ ساڵی 2025.