سەرلەبەیانی ئەمڕۆ هەینی، نرخی نەوت لە بازاڕەكانی جیهاندا دابەزینی زیاتری بەخۆیەوە بینی و نرخی یەك بەرمیل نەوتی خاوی برێنت هاتە خوار 70 دۆلار.
ئاوێنە: پاش ئەوەی دوێنێ پێنجشەممە، نرخی نەوت زیاتر لە 6%ی بەهای خۆی لەدەستدا، ئەمڕۆش بەردەوام بو لە دابەزین بەشێوەیەك كە نزیكەی 1%ی بەهای خۆی لەدەستدا.
نرخی یەك بەرمیل نەوتی خاوی برێنت سەرلەبەیانی ئەمڕۆ بە 69 دۆلار و 38 سەنت و نرخی یەك بەرمیل 66 دۆلار و 13 سەنت مامەڵەی پێوەكرا.
دابەزینی نرخی نەوت دوای ئەوە هات كە رۆژی چوارشەممەی ئەم هەفتەیە، سەرۆكی ئەمریكا پێناسی گومرگی نوێی بەسەر هاوردەكردنی كاڵای وڵاتان بۆ ئەمریكادا سەپاند.
هاوكات كۆبونەوەی دوێنێی نێوان وڵاتانی ئەندامی گروپی ئۆپیك پڵەس، ئاستی دابەزینی نەوتی خێراتر كرد كە تێیدا رێككەوتن 411 هەزار بەرمیل نەوتی رۆژانە لە مانگی داهاتوەوە بۆ بازاڕەكان زیادبكەن.