شەڕ لە نێوان چەكدارانی شەرع و دروزییەکان سەریهەڵداو کوژراو و بریندار هەیە.
ئاوێنە: میدیا عەرەبییەكان سەبارەت بە سەرهەڵدانەوەی شەڕێكی نوێ لەسووریا و فراوان بوونی شەڕی نێوان درووزییەکان و چەكدارانی ئەحمەد شەرع، زانیاری نوێ دەخەنەڕوو، ماوەی دوو ڕۆژە شەڕ و پێكدادانی توند لە نێوان چەكدارانی شەرع و گرووپی درووزییەکان درووست بووە، بەتایبەتی شەوی ڕابردوو شەڕێكی قورس ڕوویدا.
ئاماژە بەوەشكراوە، شەش چەكداری درووزییەكان كوژراوە و هەشتی دیكەش برینداربوون، هەروەها كوژراو و بریندار لە ناو ڕیزی چەكدارانی شەرعیش هەیە، بەڵام ژمارەیان دیار نییە.
هۆکاری ئەم شەڕە بڵاوبونەوەی گرتەیەکی ڤیدیۆیی پیاوێکی ئایینی دروزە، کە تیایدا سوکایەتی بەئیسلام‌و پێغەمبەری ئیسلام دەکات، دروزەکان‌و ئەو پیاوە ئایینییەیان دەلێن ئەو گرتە ڤیدیۆیەو فایلە دەنگیە دروستکراوەو راست نییە.
لە ٨ـی کاوونی یەكەمی ساڵی ڕابردوو ڕژێمی ئەسەد ڕووخێندرا و هەتەشە لە سووریادا دەسەڵاتیان گرتەدەست، دوای ئەوەش چەندین کۆمەڵكوژییان ئەنجام دا بەتایبەت بەرامبەر بە عەلەوییەكان و درووزییەكان، تا ئێستا ئەو كۆمەڵكوژییە و لە ناوبردنی پێكهاتەكانی دیكە بەردەوامە.