کەشناسیی هەرێم هۆشداریی دەداتە هاووڵاتیان لەبارەی کەشی سبەینێ هەینییەوە و رایگەیاندووە، کەشی هەرێم و عیراق ناسەقامگیر دەبێت و رەشەبا و هەورەتریشقە و تاوەباران دەبێت، هەروەها خۆڵ دەبارێت.

ئاوێنە: کەشناسیی هەرێم رایگەیاندووە، سبەینێ هەینی، کەشوهەوای ناوچەکە و عێراق بە گشتی و هەرێمی کوردستان بەتایبەتی ناسەقامگیر دەبێت، بەجۆرێک رەشەبا و هەورەتریشقە و تاوەبارانی پچڕپچڕ دەبێت.

دەشڵێت، سبەینێ خێرایی با زیاد دەکات لەدوای نیوەڕۆوە و هەندێک کات دەگاتە سەروو 50 کیلۆمەتر لە سەعاتێکدا، هەروەها لە ناوچەکانی باشوری هەرێم رێژەی تۆز و خۆل زیاتر دەبێت، بۆ کاتەکانی ئێوارە خێرایی با ئاسایی دەبێتەوە.

هاووڵاتیانیش ئاگادار دەکاتەوە بەوەی، پێشبینی روودانی ژمارەیەکی زۆر هەورەتریشقە دەکرێت.

هەروەها کەشناسیی هەرێم پێشبینییەکانی کەشەهوای بڵاوکردووەتەوە و دەڵێت، ئەمڕۆ پێنجشەممە، ئاسمان  ساماڵ و پەڵەهەور دەبێت، لەگەڵ ئەگەری بوونی کەمێک تۆز و خۆڵ لە کەشدا و پلەکانی گەرما نزیک دەبنەوە بە بەراورد لە تۆمارکراوەکانی دوێنێ.

دەشڵێت، سبەینێ هەینی، پلەکانی گەرما 3 بۆ 5 پلەی سیلیزی نزم دەبنەوە.

بەرزترین پلەکانی گەرمای پێشبینیکراو بە پلەی سیلیزی:

هەولێر: 34  پلەی سیلیزی

سلێمانی: 29 پلەی سیلیزی

دهۆک : 29  پلەی سیلیزی

کەرکوک : 36 پلەی سیلیزی 

زاخۆ  : 28 پلەی سیلیزی

هەڵەبجە : 30 پلەی سیلیزی

سۆران : 24 پلەی سیلیزی

حاجی ئۆمەران : 19 پلەی سیلیزی

گەرمیان :36 پلەی سیلیزی