ئەمشەو لە رووداوێکی هاتووچۆدا لە ئیدارەی راپەڕین منداڵێکی تەمەن هەشت ساڵان گیانی لەدەستدا.
ئاوێنە: عەلی عەبدوڵڵا، وتەبێژی بەڕێوەبەرایەتی هاتووچۆی ئیدارەی راپەڕین راگەیاند، "ئەمشەو شەممە 3ی ئایاری 2205، لە قەزای قەڵادزێ ئۆتۆمبێلێکی جۆری شاهینە منداڵێکی شێلا و گیانی لەدەستدا".
ئاماژەی بەوەکرد، "منداڵەکە ناوی (مەتین عومەر حسێن)ە و تەمەنی هەشت ساڵە، لە دوای رووداوەکە شۆفێری ئۆتۆمبێلەکە رای کردووە".
ئەوەشی خستەڕوو، "دوای چەند کاتژمێرێکیش شۆفێرەکە لەلایەن هێزە ئەمینەکان دەستگیرکراوە پەڕاوی لێکۆڵینەوە بۆ رووداوەکە کراوەتەوە".