كۆمسیۆنی باڵای سەربەخۆی هەڵبژاردنەكانی عێراق رایگەیاند، زیاتر لە 94 هەزار كەس داواكارییان بۆ بون بە كارمەندی سەر سندوق لە رۆژی دەنگداندا، پێشكەش كردوە.
ئاوێنە: كۆمسیۆنی باڵای سەربەخۆی هەڵبژردنەكان، لە ئامارێكدا ئاماژەی بەوەداوە كە ژمارەی ئەو كەسانەی بۆ بون بە كارمەندی سەر سندوق داواكارییان پێشكەش كردوە گەشتۆتە 94 هەزار و 176 كەس.
ئەوەشی خستۆتەڕو، لەو ژمارەیە 73 هەزارو 794 كەسیان نێر و 20 هەزار و 382 كەسیشیان مێن.
بەگوێرەی ئامارەكە، لە كۆی ژمارەی پێشكەشكاران، 65 هەزارو 870 كەسیان فەرمانبەرن و 28 هەزار و 306 كەسیان خوێندكار و دەرچون.