دوای بریارێكی وەزارەتی ناوەخۆی هەرێمی كوردستان لەبارەی تاكسیەوە نرخی تاکسیی مۆدێل کۆن گران و مۆدێل بەرز هەرزان بووە.
لە 28-4-2025 وەزارەتی ناوخۆ لە راگەیێندراوێکدا ئەو بڕیارەی بڵاوکردەوە و تێیدا هاتووە، "بە واژووی بەڕێز رێبەر ئەحمەد، وەزیری ناوخۆی حکومەتی هەرێمی کوردستان، رێنمایی ژمارە (3)ی ساڵی 2025ی تۆمارکردنی تاکسی نوێ دەچێتە بواری جێبەجێکردنەوە".
بەپێی بڕیارەکە 74 جۆر ئۆتۆمبێلی تەواو کارەبایی و هایبرد و 89 جۆر ئۆتۆمبێلی تەواو بەنزین دەتوانرێ بکرێنە تاکسی.
بەپێی زانیاریەكان لە پێشانگەی تاکسییەکانی سلێمانی ئۆتۆمبێلە مۆدێل نزمەکان نزیکەی 1500 دۆلار بەرز بووەتەوەو نرخی ئۆتۆمبێلی تاکسیی مۆدێل بەرزیش نزیکەی 4000 دۆلار دابەزیوە.